“Inflero” bizneslər və influnserlər üçün 2 fərqli platforma təqdim edir. Platformalar mobil tətbiq və veb-saytdan ibarət olacaq. Şəbəkə dataya əsaslanan alətlərlə çalışır, hər şey asan ölçülür. Sistem brendin bir influnseri axtarıb tapmasına maksimum 50 saniyə sərf edir.

INFLERO-nun ən üstün cəhəti isə əməkdaşlıq etmək istədiyiniz influnserin təmamilə şəffaf və ədalətli qiymətləndirilməsidir. Buna səbəb isə həmin influnserlər sosial media hesablarına müvafiq olaraq qeydiyyat etdiklərində bizim rəsmi bağlantılar ilə bütün statistikaları əldə etməyimizlə bağlıdır. Nəticə etibarilə şəffaf və rəsmi statistikalara əsasən çıxan adələtli qiymətlər sayəsində siz insan müdaxiləsi olmadan alqoritm vasitəsilə qiymətləndirilmiş və nəticəsi artıq dəqiq olan influnserlərə reklam təklifi verə bilirsiz.

Bu yenilik sayəsində influnser olaraq sizi seçmək istəyən bizneslər ilə brend siması olaraq fəaliyyət göstərə biləcəksiniz.

1. Ambassador-luqda qiymətlər influnserin özü tərəfindən aylıq olaraq təyin edilir.

Məsələn, siz sima olaraq hər ay "X" AZN ödəniş almaq istəyirsiniz və qarşılığında "X" Instagram paylaşımı, "X" TikTok videosu üzrə məzmun tərtib edirsiz.

2. Xüsusi özəlliklərinizi sərgiləyə biləcək və onları da qiymətləndirə biləcəksiniz.

Məsələn, model olaraq çəkilişə qatıla bilirsiniz, eyni zamanda da göz, əl modelliyi edə bilirsiniz, səsləndirmə bacarığınız var. Bu xüsusiyyətlərinizi qiymətləndirdikdə isə bizneslər sizi seçərkən bu xüsusiyyətlərinizə ödəniş edərək sizinlə anlaşılacaq müddət üzrə müqavilə imzalayırlar.

3. Tarixçənizi görə biləcəksiniz və bizneslərə şəffaf davranacaqsınız.

Məsələn, siz əgər texnologiya üzrə müəyyən tarixlərdə hər hansı bir biznes ilə əməkdaşlıq etmisinizsə bunu platforma üzərindən şəffaf yansıda biləcəksiniz və sizi seçmək istəyən bizneslər ilə daha sürətli və avtomatik əlaqələr qura biləcəksiniz.

4. Ödənişlər:

Aylıq olaraq bizneslər ödənişləri etdiyi anda 50% birbaşa sizin hesabınıza transfer ediləcək və ay sonunda isə qalan 50% ilə təmin ediləcəksiniz. Inflero tam ödənişi bizneslərdən sifariş verildiyi anda 100%-li alaraq sizi sığortalayır.

5. Əməkdaşlıq prosesi:

Elə indiki proses eynisi olacaq şəkildə çox rahat və avtomatik üsulla siz marka siması olduğunuz brendin işlərini idarə edə biləcəksiniz.

Bütün ödənişlərin şəffaf gerçəkləşməsinin əsas səbəblərindən biri sifariş əsnasında INFLERO tərəfindən təyin edilmiş xidmət bədəlinin açıq göstərilməsidir. Müvafiq olaraq biznes istifadəçi növündən asılı olaraq siz bank köçürməsi və plastik kartlar ilə ödəniş edə bilərsiz. Eyni zamanda sifarişləriniz sonrasında qaimə ilə təmin edildiyiniz üçün asanlıqla vergi hesabatınızda göstərmək imkanına sahib olursuz. 

Əməkdaşlıq prosesi təmamilə avtomatlaşdırılmışdır.

1. Sifariş təsdiqi sonrasında influnserlər məzmunlarını hazırlayaraq sifariş daxilində yükləyirlər.
2. Siz bu məzmundan məmnun qalarsınızsa onu təsdiqləyə və ya geri bildiriş verə bilərsiniz.
3. Məzmun təsdiqi sonrasında siz paylaşım keçid linkini sifariş daxilində görürsünüz ardından isə avtomatik olaraq 72 saat sonrasında sizin tərəfinizə paylaşıma dair statistikalar göndərilir.

Sifariş avtomatik olaraq yekunlaşdırılsa belə siz həmin məzmunun statistikalarını davamlı olaraq təqib edə bilərsiniz. Sifarişin avtomatik olaraq yekunlaşdırılmasının səbəbi isə ondan ibarətdir ki, nəticə etibarilə düzgün statiskalara sahib şəxslərlə əməkdaşlıq etdiyinizə görə və paylaşımlarınız tamamlandığına görə biz sifarişi avtomatik yekunlaşdırma təlimatı veririk.

Nəticə 100%-lidir. Çünki platformaya üzv olan bütün inlunserlər dəyərləndirmə alqoritmlərindən keçdiklərinə görə onların bütün saxta izləyiciləri aradan qaldırılır. Sadəcə real izləyiciləri və onların "engagement"-lərinə əsaslanan alqoritm sayəsində isə avtomatlaşdırılmış qiymət təyin edilir.